မြန်မာနိုင်ငံရှိလုပ်ငန်းများအတွက် ERP software ရွေးချယ်ရာမှာ
သတိပြုရန် အချက်များ
လုပ်ငန်းရှင် အတော်များဟာ ERP Software ဝယ်ယူရန်အတွက် လုပ်ငန်းနှင့် သင့်တော်တဲ့ အသုံးစရိတ်ကို သုံးစွဲရန် တွေဝေလေ့ရှိကြပါတယ်။ ဒီ အချက်ကြောင့်ပဲ Implementation စရိတ်သက်သာပြီး monthly fees သက်သာတဲ့ အမျိုးအစားများကို ရွေးချယ်မိလေ့ရှိပါတယ်။
မိမိ လုပ်ငန်း ရပ်တည်မှုဟာ တိုးချဲ့လာနိုင်ခြေရှိတယ်၊ Develop ဖြစ်လာနိုင်ခြေရှိတယ်ဆိုရင် လုပ်ငန်းသေးများအတွက် ရည်ရွယ်ပြီး ထုတ်လုပ်ထားတဲ့ ဆော့စ်ဝဲလ်မျိုးကို မရွေးချယ်သင့်ပါဘူး။ မှားယွင်းပြီး ရွေးချယ်မှု ပြုလုပ်လိုက်တဲ့ အခါမှာတော့ လုပ်ငန်းတိုးချဲ့လာပြီးနောက်ပိုင်းတွင် အသုံးပြုရန်/ အသုံးလိုအပ်သော အရာများ ရနိုင်/ မရနိုင်တာတွေ ဖြစ်လာမှာ မလွဲမသွေ ဖြစ်ပါတယ်။
အဲဒီကနေမှတစ်ဆင့် နောက်ထပ် ဆော့စ်ဝဲလ် တမျိုးကို ထပ်မံ ဝယ်ယူဖို့ ပြင်ဆင်ရပါတော့တယ်။ လုပ်ငန်းခွင်မှာ ဆော့စ်ဝဲလ် ၁ မျိုးထက်ပိုမိုပြီး အသုံးပြုရတဲ့ အခါမှာတော့ လုပ်ငန်းမှာ ခန့်အပ်ထားတဲ့ ဝန်ထမ်းများရဲ့ လုပ်ဆောင်မှုတွေဟာလည်း အချိန်ပိုယူရနိုင်ပြီး အဆင့်ဆင့် လုပ်ဆောင်မှုတွေကြောင့် လုပ်ငန်း Process ကို နှေးကွေးစေမှာပါ။
